ANG PAGKAKASUNOD-SUNOD NG BANAL NA MISA

ANG PAGKAKASUNOD-SUNOD NG MISA (Unang Bahagi)
— A guide—

1. ENTRANCE PROCESSION
- Maglalakad patungong dambana ang pari at mga tagapaglingkod ng misa habang umaawit ng angkop na himno ang sambayanan.

2. GENUFLECTION AND VENERATION OF THE ALTAR
- Luluhod ang mga tagapaglingkod ng misa at ang pari sa harap ng tabernakulo bilang pagbibigay galang kay Kristong naroon. Pagkatapos nito hahalik ang pari sa altar bilang pagbibigay galang sa lugar kung saan ginaganap ang Eukaristiya.

3. SIGN OF THE CROSS
- Sisimulan ang Banal na Pagdiriwang sa pamamagitan ng pagtatanda ng Krus bilang pagbibigay galang sa ating Diyos na tatlong Persona sa iisang Diyos na siyang sentro ng pagdiriwang.

4. PENITENTIAL RITE
- Sa parteng ito ng Banal na Misa aaminin natin ang ating mga pagkakasala. Dito rin napapatawad ang ating mga "venial sin."

5. GLORIA
- Sa mga Linggo (at sa mga dakilang kapistahan), liban kung Kuwaresma at Adbiyento, ay inaawit natin ang Papuri sa Diyos.

6. OPENING PRAYER
- Sasambitin ang pambungad na panalangin na nakasentro sa ipinagdiriwang sa araw na iyon.

7. READINGS
- Makikinig tayo sa mga pagbasa mula sa bibliya na halaw mula sa Luma at Bagong Tipan, Salmo at Ebanghelyo.

8. HOMILY
- Atin namang pakikinggan ang mga pagninilay mula sa mga pagbasa. Atin ding maririnig ang mga pangaral ng pari upang tayo'y maging isang mabuting Kristiyano Katoliko.

9. PROFESSION OF FAITH
- Dito ipinapahayag natin ang sentro ng ating pananampalataya, ang ating sinasampalatayanan bilang Kristiyano Katoliko.

10. PRAYERS OF THE FAITHFUL
- Pagkatapos nating ipahayag ang ating pananampalataya, bilang isang sambayanan ng Diyos tayo ay dadalangin para sa kahilingan ng simbahan, ng mundo, ng ating komunidad, at para sa ating sariling kahilingan at intensiyon.

—Artikulo ng Catholic Faith Defenders- Cavite Chapter—

*** abangan ang karugtong