REBULTO, IPINAGBABAWAL NGA BA NG DIOS? | Ating Alamin

1. [Para saan itong mga rebulto ng mga Katoliko?]

Ang mga sagradong imahen (rebulto kung tawagin ng iilan) ng mga Katoliko ay mga imahen na may kaugnayan kay Hesus. Halimbawa na lamang ay ang imahen ng Mahal na Birheng Maria, ito ay imahen na may kaugnayan kay Hesus sapagkat si Maria ay Kanyang ina. Ganundin naman ang mga imahen ng mga apostol, mga anghel at mga banal, lahat ng ito ay may kaugnayan sa ebanghelyo at sa ating Panginoong Hesus. (cf CCC par. 1161)

https://1mpkoh2uj7ew36r28p3t8kxt11gl-wpengine.netdna-ssl.com/wp-content/uploads/2017/06/shutterstock_95274544-660x350.jpg

2. [Hindi ba ipinagbabawal ng Diyos sa biblia na gumawa ng mga imahen?]

Totoong nagbawal ang Diyos ng imahen sa biblia noong panahon ni Moises. Pero hindi lahat ng imahen ay ipinagbawal niya. Ang ipinagbabawal niya ay ang imahen ng ibang dios (idolo/idols).

                Exodo 20:3-4 Ang Biblia, “Huwag kang magkakaroon ng ibang mga dios sa harap ko. Huwag kang gagawa para sa iyo ng larawang inanyuan o ng kawangis man ng anomang anyong nasa itaas sa langit, o ng nasa ibaba ng lupa, o ng nasa tubig sa ilalim ng lupa.

Pero ang imahen nating mga katoliko ay malinaw na hindi natin ginagawang ibang Dios maliban sa Dios na buhay at nag-iisa. Walang katuruan ang Sta. Iglesya na gawing idolo ang mga sagradong imahen.

https://forosdelavirgen.org/wp-content/uploads/2014/01/nazareno-negro-de-filipinas.jpg

3. [May mga pagkakataon bang nag-utos gumawa ng imahen ang Dios?]

Meron. Ito ay mababasa natin sa Exodo 25:18:

                Exodo 25:18 Ang Biblia, “At gagawa ka ng dalawang querubin ginto; na yari sa pamukpok iyong gagawin, sa dalawang dulo ng luklukan ng awa.”

Meron pang isang pagkakataon na nag-utos gumawa ang Dios ng imahen kay Moises.

                

               Mga Bilang 21:9 Ang Biblia, “At sinabi ng Panginoon kay Moises, Gumawa ka ng isang mabagsik na ahas at ipatong mo sa isang tikin: at mangyayari, na bawat taong makagat, ay mabubuhay pag tumingin doon.”

Kaya hindi masamang gumawa ng imahen basta’t hindi ito gagawing idolo o ibang dios. Sa katunayan, kung bawal ang lahat ng imahen bakit may rebulto si Dr. Rizal sa Luneta at si Felix Manalo sa Quezon City, na kapwa inaalayan ng bulaklak tuwing kaaarawan nila?

https://i0.wp.com/hookedonthebook.com/wp-content/uploads/2012/05/numbers-bronze20snake.jpg

3.[Sinasamba ng mga Katoliko sapagkat lumuluhod sila sa mga ito.]

Ang pagluhod ay ‘di agad nangangahulugang pagsamba. Kung gayon, bawal pala akong lumuhod sa aking kasintahan kapag ako’y magpo-propose sa kanya?

Sa biblia, may mga pagkakataong lumuhod sa harap ng kaban ng tipan subalit hindi sila sinaway ng Dios at sinabing bawal iyon.

                Josue 7:6 Ang Biblia, “At hinapak ni Josue ang kanyang mga suot, at nagpatirapa sa lupa sa harap ng kaban ng Panginoon hanggang sa kinahapunan, siya at ang mga matatanda ng Israel; at silay nagsipagbuhos ng alabok sa kanilang ulo.”

https://upload.wikimedia.org/wikipedia/commons/thumb/c/c8/Tissot_Moses_and_Joshua_in_the_Tabernacle.jpg/280px-Tissot_Moses_and_Joshua_in_the_Tabernacle.jpg 

Kung matatandaan natin na nabanggit kanina na ang kaban ng Panginoon ay may dalawang imahen—imahen ng dalawang querubing ginto. Sina Josue at mga matatanda ng Israel ay lumuhod sa harap nito, pero hindi sila sinaway ng Dios sapagkat hindi naman nila ginawang idolo o ibang dios ang dalawang querubin sa halip sila’y naka-pokus  sa mismong Dios na nasa langit. Ganoon din ang ginagawa nating mga Katoliko. Kahit na tayo ay nakaharap sa larawan ang ating pokus ay nasa Dios na nasa langit. Ang nag-iisa at mapagmahal na Dios.